Алабугага пилотсыз оча торган аппараты (БПЛА) һөҗүменнән соң, Татарстан хастаханәләрендә 7 кеше дәвалана, аларның өчесе – балалар. Бу турыда «Татар-информ» Татарстан Сәламәтлек саклау министрлыгына сылтама белән хәбәр итте.
2 пациент уртача авыр хәлдә, алар Алабуга Үзәк район хастаханәсендә дәвалана, табиблар аларның хәлендә уңай динамика күзәтә.
3 пациент Чаллыда Кама балалар медицина үзәгендә дәвалана, аларның хәле стабиль, гомерләренә куркыныч янамый. Тагын 2 пациент Ашыгыч медицина ярдәме хастаханәсендә, аларның хәле дә стабиль.
«Тиешле бөтен медицина ярдәм күрсәтелә. Федераль экспертлар җәлеп ителгән, алар Татарстан белгечләренә дәвалау тактикасы буенча консультация бирә», – дигәннәр Татарстан Сәламәтлек саклау министрлыгында.
- Кичә Алабугада пилотсыз очкыч һөҗүменнән зыян күргән тагын бер кеше хастаханәдә вафат булган, дип язган идек.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии