Бөтенроссия җәмәгатьчелек фикерен өйрәнү үзәге үткәргән март сораштыруы нәтиҗәләре буенча, россиялеләрнең күбесе элеккечә үзләрен бәхетле хис итә. Бу хакта ТАСС хәбәр итә.
Тикшерү нәтиҗәләре күрсәткәнчә, сораштырылучыларның 80 проценты үзләрен бәхетле дип санавын әйткән, аларның өчтән бере (36 проценты) үзләрен тулысынча бәхетле дип атаган.
«Абсолют бәхет»нең мондый югары күрсәткече соңгы тапкыр 2024 елның июнендә теркәлгән.Март нәтиҗәләре буенча «бәхет индексы» мөмкин булган 100дән 61 пункт тәшкил иткән, бу – февраль күрсәткеченнән бераз түбәнрәк: ул вакытта ул 70 пунктка җиткән.
Индекс мондый сорауга җаваплар нигезендә исәпләнә: «Тормышта төрле хәлләр була – яхшысы да, начары да. Ләкин тулаем алганда, сез бәхетлеме, юкмы?»
Свежие комментарии