«Ут хатын» буларак танылган мөселман блогеры Гүзәл Хөснетдинова тагын халыкны шаккатырган. Бу юлы – 19 көн ач торуы белән!
Гүзәл Хөснетдинова үзенең 5 бала тапканнан соң артык авырлыгы булуы, аның исә кирәкмәгән авыруларга сәбәпче булуын әйткән. Кыскасы, ябыгу максатыннан ризыктан баш тарткан.
«19 көн ач тордым!
4 көн смузилар гына эчтем.
7 көн буе 200 грамм ризык кына ашадым.
Шулай итеп, 1 ай эчендә мин 13 килограммга ябыктым», – дип язды ул ач торуының нәтиҗәләре турында.
Гүзәл үзенең ябыгу процессын социаль челтәрләрдә күрсәтеп барды. Блогер, чыннан да, 1 ай эчендә ябыгып, зифа буйлыга әверелде.
Халык исә блогерның ихтыяр көченә гаҗәпләнә.
«Әгәр дә мин шулай ач торсам, минем турыда: «Ашамаска гына өйрәнгән иде, үлеп китте», – дип сөйләячәкләр»;
«Мин инде икенче көнне үк аңымны югалтып егылыр идем»;
«Мин 2 генә көн ач тордым. Бу – бик авыр. Ничә көннәр ашамыйча ничек түзеп була? Моңа никадәр ихтыяр көче кирәк», – дип сокланалар аңа.
Гүзәл Хөснетдинова комментарий ияләренә ач торуның беренче 3 көне генә авыр булуын, аннары көннән-көн җиңелләшә баруын әйтә.
«Болай ач тору калкансыман бизгә тискәре йогынты ясый. Әкренләп кенә ташлап булмыймыни ул авырлыкны?»;
«Әйе, ташлагансыздыр. Тик бу – бер дә мактана торган әйбер түгел. Тиздән шушы авырлыкны икеләтә җыячаксыз»;
«Ә мин спорт һәм дөрес туклану белән айга 10 килограмм ташладым. Шикәрдән һәм камыр ризыкларыннан баш тарттым. Атнасына 9 сәгать спорт белән шөгыльләндем», – дигән комментарийлар да бар.
Свежие комментарии