<p>Татар эстрадасының популярлашып килүче җырчысы Альберт Вәлиуллин «Татарстан – Яңа гасыр» телеканалының социаль челтәрдәге «Ә син?» тапшыруында Әбри Хәбриевның сорауларына җавап бирде.</p> <p class="faq-question"><strong>Үзеңнең иң начар гамәлең нәрсә икән? Студент, мәктәп, бүгенге чорда иң начар гамәлең?
</strong></p> <p class="faq-answer">Без – 12-13 яшьлек малайлар – дәү әнинең тарагын алдык, аннан яхшы гына «дымовушка» чыга иде, яхшы төтенли. Бездән ерак түгел, 3 өйдән соң, бакча артында агач үсеп утыра. Агач эчендә шөпшә оялаган. Безгә аларны чыгарырга, үтерергә кирәк. «Дымовушка» ясадык та, таяк белән этеп-төртеп кертеп җибәрдек. Ул куыш җирдән 3 метр биеклектә, һаман төтенли дә төтенли, аңлап бетерә алмыйбыз. 2 сәгатьләп басып карап торганбыздыр. Аннары олы абыйларны чакырдык. Агач эчендә янгын чыгып, ул яна башлады.</p> <p>Шунда Кыяметдин абый чыкты, агач аның бакча башында үсә иде. «Сез, шәһәр балалары, каян гына килеп чыгасыз, кулларыгызны, башыгызны өзәргә кирәк!» – диде.</p> <p>Шундый ачулы да, курыкты да. Безнең авыл – урман эчендәрәк, янгын чыкса, Алла сакласын.</p> <p class="faq-question"><strong>Янгынны ничек сүндерделәр?</strong></p> <p>– «Дружба» пычкысы белән кисеп аудардылар да, аннары чиләкләп су ташыдык. Әгәр, куркып, дәшмичә китеп барсак, нәрсә килеп чыгар иде…</p> <p><iframe allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen="" frameborder="0" height="400" referrerpolicy="strict-origin-when-cross-origin" src="https://www.youtube.com/embed/pBDnfq59K_g" title="Альберт Валиуллин о цели возвращения на сцену, про звание секс-символа и подражании голосу Салавата" width="691"></iframe></p>
Свежие комментарии