Яшен җилкәсенә үтеп кереп, аяклары аша чыккан хатын исән калган

Чиләбе күлләрендә турист хатынны яшен суккан. Көчле разряд аның җилкәсенә үтеп керә һәм аяклары аркылы чыга. Аның комадан соң аңына килүен табиблар чын могҗиза дип атый.

Ире сөйләгәнчә, 37 яшьлек Анастасия дус кызлары белән Екатеринбургтан Миасска бара. 19 июльдә алар Тургояк күлендә Алтын пляжда ял итә.

Көтмәгәндә коеп яңгыр ява башлый. Настя ышыкланырга өлгерми кала. Кинәт яшен сугып, ул җиргә егыла. Аны аңсыз килеш реанимация алып китәләр.

Башта табибларны фаразлары уңай булмый. Табиблар сүзләренчә, мондый көчле разрядтан соң гадәттә исән калмыйлар. Әмма шушы көннәрдә Анастасия комадан чыга. Аны дәвалау өчен туган шәһәре Екатеринбургка алып кайтканнар инде, дип яза SHOT Телеграм-каналы.