Башкортстандагы корал заводында шартлау булган, 3 эшче һәлак булган

Башкортстанның Стәрлетамак шәһәрендәге «Авангард» корал җитештерү заводында шартлау булган, өч эшче һәлак булган, дип хәбәр итә «Башинформ».

Гадәттән тыш хәл сәгать дүртләрдә булган. Завод бинасыннан төтен чыкканын күргәннәр.

Һәлак булган эшчеләр торбаларга демонтаж уздырган. Шартлау алар эшләгән бүлмәдә булган.

«Авангард» илнең иң эре оборона предприятиеләренең берсе. Аңа 1943 елда нигез салынган. Ул залп белән ата торган системалар («Град» кебек) һәм боеприпаслар җитештерә.

Шартлауның сәбәпләрен ачыклыйлар.

Махсус операция башлангач, «Авангард»ның 100 процент акцияләре «Ростех»ка тапшырылды, анда заказлар күпкә арткан.