Пермь краенда бер бистәдә агач йортта янгында балалар һәлак булган. Әни кешене балаларының үлемендә гаепле дип тапканнар, хатын-кызны «Саксызлык аркасында кеше үтерү» маддәсе буенча 1,5 ел колония-поселениегә җибәргәннәр. Бу хакта төбәк буенча Тикшерү комитеты идарәсенә сылтама белән РИА «Новости» яза.
2024 елның октябрендә Нытвенский округының Уральский бистәсендә 8 фатирлы агач йортта бер фатирга ут каба, һәм түбә өлешчә ишелеп төшә. Янгында 3 малай һәлак була. Соңрак тикшерүчеләр ачыклаганча, балаларның 26 яшьлек әнисе төнлә фатирдан чыгып киткән һәм кладовкада сүндерелмәгән тәмәке төпчеге ташлап калдырган була. Хатын-кызга карата балаларын «Саксызлык аркасында үтерү» маддәсе буенча гаепләү билгеләнә.
«Янгын иминлеге кагыйдәләрен тупас рәвештә бозу аркасында фатирда ут чыкты. Әниләре каравыннан башка калган 3 малай янгыннан котыла алмый... Хатын-кызны 1 ел да 6 айга ирегеннән мәхрүм иттеләр», – диелә хәбәрдә.
Ул җәза срогын колония-поселениедә узачак. Шулай ук аны амбулатор шартларда психиатрга мәҗбүри тикшеренергә һәм дәваланырга җибәргәннәр, диелә хәбәрдә.
Свежие комментарии