Ришат Төхвәтуллин: «Алия «Мерседес» сорый, бухгалтерияне дә үз кулына алмаса ярый инде»

Ришат Төхвәтуллин Казандагы концертында «Мәтрүшкәләр» җырының ничек иҗат ителүе турында сөйләде.

Бактың исә, хатыны Алия Төхвәтуллина бала көткәндә, кыш буе Ришатка мәтрүшкә таптырган. Якыннарда, танышларда мәтрүшкә беткәч, җырчы шул исемдә җыр иҗат итеп биргән.

«Шуның белән тынычланды бугай. Хәзер менә Алия «Мерседес» сорый.

Алай-болай минем репертуарда андый җыр барлыкка килсә, аптырамагыз, яме», – дип сөйләде ул.

Шулай ук җырчы төркемендәге кызларны да хәзер Алия сайлап алуы турында шаяртты. «Хәзер Алия минем «отдел кадров»та да эшли, бухгалтерияне дә үз кулына алмаса ярый инде», – диде җырчы.

Видео: Гөлүзә Василова