Фисташка бәясе бер елда 450 грамм чикләвек өчен 7,65 доллардан 10,3 долларга кадәр арткан. Өстәвенә, әлеге десертка ихтыяҗ арту АКШта (дөньяда әлеге төр чикләвекне тәэмин итүче иң төп ил) фисташка уңышы начар булу белән бер вакытка туры килгән.
Чикләвек сату компаниясе вәкиле Джайлс Хакер билгеләп үткәнчә, фисташка базарында запаслар беткән диярлек.
Бу хакта «Комсомольская правда» телеграм-каналында хәбәр итәләр.Фисташка җитештерү күләме буенча АКШтан соң дөньяда икенче урында торучы Иран Берләшкән Гарәп Әмирлекләренә чикләвек экспортын 6 айда 40 процентка арттырган. Әмма бу да барлыкка килгән дефицитны каплый алмый. Экспертлар фикеренчә, шоколад тирәсендәге шау-шу юктан гына барлыкка килмәгән. Якын арада фисташкага ихтыяҗ да, чикләвеккә дефицит та беркая да юкка чыкмаячак, дип саный белгечләр.
Дубай шоколады – фисташка пастасы һәм катаифи камырыннан ясалган эчлек салынган сөтле шоколад плиткасы ул.
Свежие комментарии