Бөгелмәдә яшәүче ир-ат, акча эшләргә маташып, 8 миллион сумнан колак каккан. Бу турыда Татарстан буенча Эчке эшләр министрлыгына сылтама белән «Татарстан 24» каналы хәбәр итте.
2024 елның маенда ул табышлы кертем турында реклама күреп ала һәм игъландагы номерга шалтырата. 57 яшьлек ир-ат шулай итеп интернет-мошенниклар кулына эләгә.
Ул инвестицияләр белән акча эшләргә маташа. Таныш булмаган ир-ат аны махсус сайтта теркәлергә күндерә, беренче сумма итеп 6 мең салырга кирәк була.
Виртуаль хисапта «табыш арта» башлый, ир-ат миллион сум кертергә карар кыла. Табыш артуын күреп, ул акча салуын дәвам итә, аннары танышларыннан бурычка акча ала, кредитлар рәсмиләштерә башлый.
8 ай эчендә ул мошенниклар хисабына акча күчерә, аннары «хезмәт хакын чыгармакчы» була. Шуннан соң «инвесторлар» элемтәгә чыгудан туктый, аны блокировать итәләр.
Хәзер гомуми сумма 8 миллион 34 мең сум тәшкил итә. Ир-ат полициягә мөрәҗәгать иткән, диелә хәбәрдә.
Свежие комментарии