Тавык шулпасын «күз яшеннән дә үтә күренмәлерәк» итеп пешерү сере

Тавык шулпасы «күз яшеннән дә үтә күренмәлерәк булсын өчен» киңәшләрне https://pg12.ru сайтында язалар.

Беренчедән, шулпага өйдә үстерелгән тавык кирәк. Аның ите сыйфатлырак. Кибеттән алган тавыкны салкын суда тотарга кирәк.

Кишер, сельдерей, суганны зур кисәкләргә турап, коры табада кыздырып алыгыз – шулай иткәч, хуш ислерәк булыр.

Шулпа пешергәндә, кәстрүлгә башта тавыкны салалар, аннары яшелчәләрне – шуннан соң салкын су өстиләр.

Су кайнап чыккач, өстән өресен алып ташларга кирәк, аннары, өстен капламыйча гына, акрын утта кайнатыгыз. Ныклап кайнаса, шулпа болганчык була, диелә хәбәрдә.