Югалган пенсия стажын табу өчен, Социаль фондка яки Күп функцияле үзәккә мөрәҗәгать итәргә кирәк. Бу турыда РИА Новости юрист Иван Соловьевка сылтама белән яза.
Пенсия түләүләре күләмен шәхси хисап счетыннан (ИЛС) карап була. Әлеге хисапта иминият стажы, хезмәт хакы, эш бирүче түләгән иминият кертемнәре, пенсия коэффициентлары бар.
Шушы счеттан өземтә алып, хезмәт эшчәнлегенең төгәл булмаган вакытларын ачыкласагыз, Социаль фонд, Дәүләт хезмәтләре яки Күп функцияле үзәк аша хезмәт стажын раслый торган документлар җибәрә аласыз.
Шул ук вакытта пенсияне кабат исәпләү турында гариза язарга кирәк.
Бер структура да техник хаталардан гарантияләнмәгән, шуңа күрә үзеңнең пенсия счетыңнан өземтәне даими рәвештә алып торырга кирәк, ди юрист.
«Озак вакыт эшләгән, шул исәптән пенсиягә чыгу хокукы алганнан соң да, һәм шул сәбәпле стажы зур, нәтиҗәдә хезмәт хакы уртачадан зуррак булган кешеләр зур пенсиягә өмет итә ала», – ди ул.
Свежие комментарии