Яңа автомобильне карап тоту аена 25-30 мең сумга төшә. Монда елына 50-55 мең км юл үтүче автомобиль турында сүз бара. Бу хакта «Татар-информ»га автоэксперт Дмитрий Попов сөйләгән.
Мисал итеп ул үзенең механик тапшыру тартмалы автомобилен китергән.
«Минем машина аена 4 бак бензин яга. Ягулыкка ай саен 11-12 мең сум акча китә.
Аена якынча 3 мең чакрым юл үтәм. Шулай ук һәр 3 ай саен 20 мең сумга техник тикшерү узам, димәк, аена 7 мең сум тирәсе килеп чыга», – дигән автоэксперт.Моннан тыш, тәгәрмәчләрнең икенче комплектын сатып алуга чыгымнар бар – 20 мең сум яки аена якынча 2 мең сум.
«Шулай ук ай саен вак-төяк әйберләр, мәсәлән лампочкалар һәм башкаларга чыгымнарны әйтергә кирәк, боларга уртача 5 мең сум китә. Штрафлар да булырга мөмкин, аена 3 мең сум тирәсе», – дип өстәгән Попов.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии