БДИ нәтиҗәләрен ничек белеп була?

Татарстанда чыгарылыш сыйныфлар Бердәм дәүләт имтиханы тапшыра. Нәтиҗәләр имтихан тапшыргач, 1-2 атнадан соң билгеле була. Бу турыда «Татар-информ» хәбәр итте.

Бердәм дәүләт имтиханы нәтиҗәләрен белеп була:

• Рособрнадзор сайтында, нәтиҗәләрне тикшерү сервисы ярдәмендә.
• Дәүләт хезмәтләре порталында, абитуриентның расланган хисап язмасы булу кирәк.
• мәктәптә.

Нәтиҗәләрне алу өчен түбәндәге документлар кирәк:

• укучы үзе килсә, паспортын күрсәтү дә җитә,
• ата-ана яки законлы вәкил аласы килсә, аның үзенең паспорты һәм баланың паспорты кирәк. Документта баланың чыннан да аныкы булуы турында язылмаган булса, баланың туу турында таныклыгы кирәк. Укучы балигъ яшьтә булса, ышаныч кәгазе дә кирәк була.
• ышанычлы затка үзенең паспорты һәм баланың паспорты, шулай ук ышаныч кәгазе кирәк.

23 майда тарих, әдәбият, химиядән, 27 майда математикадан имтихан булды. Бүген рус теле тапшыралар.