Концертка килү өчен хоккейны калдырган апа Алмаз Мирзаяновның колагын борган

Зөлфирә һәм Алмаз Мирзаяновларның концертына хоккей карарга яратучы Гөлсем апа килгән. Концерт һәм хоккей матчы бер көнгә туры килгән, ә апа концертка килгән. Хоккейны калдырырга туры килгәнгә җырчының колагын борган.

«Хоккейдан калдым, концерт карарга килеп», – ди дә апа, Алмаз Мирзаяновны ике колагыннан эләктереп ала.

«Борчылып утырам хәзер», – ди. Апаның күңеле тыныч булсын өчен, залдан тамашачы хоккейдагы исәпне дә әйтә. Гөлсем апа, берәр нәрсә ошамаса, җырчыларга «сабак» бирә белә. Күзен йомып җырлаган өчен Руслан Кираметдиновка да эләккән булган. «Русланның сакалын тоттым», – ди ул.

Гөлсем апа залдагы бөтен тамашачының күңелен күтәрә. «Әнинең дә ике колакны бергә борганы юк», – дип елмая Алмаз Мирзаянов.