Башкортстанның халык артисты, популяр композитор Рөстәм Гыйззәтуллин гаиләсендә зур югалту. Аның әнисе Гөлнур ханым Гыйззәтуллина вафат булган. Бу хакта җырчы үзе социаль челтәрләрдә хәбәр итте.
Гөлнур ханым үзе дә иҗат кешесе булган. Ул – бик күп җырлар, хикәяләр авторы.
Мәрхүмәне иртәгә туган ягы Әлшәй районы Яңа Сәпәш авылыннан соңгы юлга озатачаклар.
Рөстәм Гыйззәтуллин тамашачыга «Сиңа гына», «Ашыкма», «Гафу ит мине», «Бәхетле минутлар» җырлары аша яхшы таныш. Соңгы вакытта актив рәвештә продюсерлык эше белән шөгыльләнә. «Zainetdin» этно-шоу проекты, «Гирзамюзик» дигән лейбл астында яшьләр белән эшли. Аранжировкалар ясый, Татарстан җырчылары белән дә хезмәттәшлек итә.
Свежие комментарии