Җырчы Ильмира Нәгыймова «ТМТВ» телеканалындагы «10 сорау» тапшыруына кунакка килгәч, элекке ире Руслан Кираметдиновның үзе белән аралашырга теләмәве хакында сөйләгән.
Алып баручы Әбри Хәбриев белән Ильмира арасында мондый диалог булган:
Бөтенләй аралашмыйсыз?
Юк.
Сөйләшмисез? Балаларга теге кирәк, бу кирәк, дип.
Миллион тапкыр язганым, шалтыратканым бар. Анда юл ябык, минем белән сөйләшмиләр, трубканы алмыйлар. Миллион тапкыр үтенечләр булды «балаларга шул шул кирәк» дип. Бернинди җавап юк. Мин барысын да социаль челтәрләрдән генә күрәм, – ди җырчы.
Былтыр туры эфир вакытында Ильмира элекке ире турында: «Ул миңа язгалый. Бер язганда 70әр хат яза, хәтта! Мин җавап бирмим. Иртән уянып китеп, телефонга күз салсам, 80шәр хат та булгалый! Яртысын бетереп тә куя шунда. Нәрсә язганын әйтеп тормыйм инде», – дип сөйләгән иде.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии