Алинә Давыдова үзен Салават Фәтхетдиновның сөяркәсе дип уйлаучыларга җавап биргән

<p>Блогер Олеся Лесная җырчы, «Ямьле» төркеменең элекке солисты Алинә Давыдова белән әңгәмә корган.</p> <p class="faq-question">Алинә, сәлам. Ничек хәлләр?</p> <p class="faq-answer">Шәп!</p> <p class="faq-question">Сине күп кеше Салават Фәтхетдиновның сөяркәсе дип уйлый.

Син ничек җавап бирерсең моңа?</p> <p class="faq-answer">Юк инде, юләрме әллә син? Безнең кеше ярата бит инде әллә ниләр уйлап табарга.</p> <p class="faq-question">Син күптән түгел «Ямьле» төркеменнән киттең. Ни өчен киттең?</p> <p class="faq-answer">Бер-беребезне аңламый башладык. Фикерләребез төрле якка китә башлады.</p> <p class="faq-question">Сез хәзер аралашасызмы?</p> <p class="faq-answer">Юк, дөресен әйткәндә, юк.</p> <p class="faq-question">Сәламләшмисез дәме?</p> <p class="faq-answer">Юк.</p> <p class="faq-question">Син татар эстрадасында кемнәр белән аралашмыйсың?</p> <p class="faq-answer">Мин аны сиңа гына әйтә алам. Иркә белән берничек тә аралашмыйм, мәсәлән. Зәринә Асылкаева белән. Син исәнләшәсең, ә алар сиңа борылып та карамый. Иң сөймәгәнем шул – исәнләшә белмәүләре.</p> <p class="faq-question">Син кияүдә. Бала табарга исәбегез юкмы?</p> <p>– Исәбебез бар, планлаштырабыз.</p> <p class="faq-question">40 миллион кеше төнлә нәрсә белән шөгыльләнә?</p> <p class="faq-answer">Без йоклыйбыз, мәсәлән. Андый эшләрне... Нинди эшләрне (<em>көлә</em>) иртән башкарабыз. </p> <p class="faq-question">40 миллион кеше төнлә интернетта утыра, Алинә, син уйлаган нәрсә түгел.</p> <p>Үзен исәнләшмәүдә гаепләгән Алинәгә, пост янында, Зәринә Асылкаева беренчеләрдән булып комментарий язып калдырган.</p> <p>«Мин кайда исәнләшмәдем? Мин күрми калганмындыр, ләкин максатчан исәнләшмичә һәм карамыйча киткәнем юк», – дип акланган ул.</p> <p>Алинә үзе «Ямьле» төркеменнән низагларсыз китүе турында язган иде. «5 ел дәверендә мин «Ямьле» төркемендә эшләдем. Әйе, бу – искиткеч матур проект, һәм мин монда барлык яктан да бик күп тәҗрибә җыйдым, күп нәрсәгә өйрәндем. Ләкин тормышымның тагын бер биеклегенә нокта куярга вакыт. «Ямьле»гә 5 ел өчен рәхмәт әйтеп, Аллаһка тапшырып, яңа үрләр яуларга юлга чыгам. Кызлар, сезгә бары тик уңышлар телим, төркем чәчәк атсын», – дип язган иде Алинә социаль челтәрләрдә. Күрәсең, барысы да шома гына бармаган.</p> <div class="ckeditor-html5-video" data-responsive="true" style="text-align: center;"> </div> <p> </p>