Татарстанда сабан культуралары басуларының 90 процентка якыны чүп үләннәре белән зарарланган. Майның соңгы атнасында 17,6 мең гектар мәйдан тикшерелгән, һәм аларның 15,7 меңендә корткычлар табылган. Һәр квадрат метр мәйданда уртача 7-8 чүп үләне үсә, ә Саба районының кайбер участокларында аларның саны 47гә җитә.
Бу хакта Россия Авыл хуҗалыгы үзәгенә сылтама белән «Челнинские известия» газетасы яза.«Күпьеллык чүп үләннәре аеруча куркыныч, квадрат метрдагы 3 үлән дә уңышка җитди зыян салырга мөмкин. Берьеллык икеөлешле үсемлекләр өчен чик – 10 данә, ә кыяклылар өчен 30 данә», – дип аңлата Россия авыл хуҗалыгы үзәгенең Татарстан филиалы җитәкчесе урынбасары Гүзәл Хөсәенова.
Белгеч фермерларга ашыгыч рәвештә гербицидлар белән эшкәртергә киңәш итә, тик моны тиешле һава торышы булганда – температура 15 градустан югары, әмма артык эссе булмаганда эшләргә кирәк. Мәҗбүри шарт – катнашмага антистресс препаратлар кушарга кирәк, бу – үсемлекләргә эшкәртүне җиңелрәк кичерергә ярдәм итә, диелә хәбәрдә.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии