Новгород өлкәсендә хокук саклаучылар элеккеге хатынын һәм 2 улын җәзалап үтерүдә шикләнелгән ир-атны тоткарлаган. Россия Тикшерү комитетының төбәк буенча Тикшерү идарәсе хәбәр иткәнчә, 4 июньдә хокук саклаучыларга Иске Рус районында йорт януы турында хәбәр килә. Бу хакта РЕН ТВ каналы яза.
Янгынны сүндергәннән соң, хәрабәләр арасында 65 яшьлек хатын-кыз, шулай ук аның 2 улының мәетләре табылган.
Тиздән шикләнелүчене – мәрхмүмә хатынның элеккеге ирен табып, тоткарлыйлар.«Тикшерү версиясе буенча, шикләнелүче ир-ат элеккеге тормыш иптәшенең йортына килгән, анда алар арасында низаг чыккан. Берникадәр вакыттан соң, урамга чыккач, җинаятьче элеккеге хатыны һәм аның 2 улы яшәгән йортка бензин сибеп, ут төрткән», – диелә хәбәрдә.
Күршеләр ир-атның элек тә үзен адекват тотмавын һәм «авыр» кеше булуын сөйләгәннәр.
«Үтерү» маддәсе буенча җинаять эше кузгатылган, диелә хәбәрдә.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии