Сакчыл хуҗабикәләр еш кына бозылган яшелчә һәм җиләк-җимешләрне ташламый: күгәргән һәм черегән өлешен кисеп аталар да калган өлешен ризык әзерләгәндә кулланалар. Бу — сәламәтлеккә җитди зыян китерергә мөмкин булган зур хата, дип кисәтә фармаколог, Пирогов университетының фармация һәм медицина химиясе институты хезмәткәре Денис Борозденко.
Бу хакта «Российская газета» яза.«Яшелчә һәм җиләк-җимештәге күгәрек кеше сәламәтлеге өчен аеруча куркыныч. Авыл хуҗалыгы культураларында күгәрекләр гадәттә Aspergillus, Fusarium һәм Penicillium гөмбәчекләре аркасында килеп чыга. Алар кешедә ашкайнату-эчәклек системасы бозылу, үпкә ялкынсыну, синуситлар китереп чыгарырга мөмкин», — дип аңлатты Денис Борозденко.
Аның әйтүенчә, бу — бронхиаль астма яки аллергия белән интегүче кешеләр өчен аеруча куркыныч.
«Яшелчә һәм җиләк-җимеш бозыла башлаган икән, күгәрек гөмбәчекләре инде бөтен өлешенә таралган булырга мөмкин. Моннан тыш, күгәргән продуктларда гөмбәчекләр (микотоксиннар) барлыкка китерә торган зарарлы матдәләр бар, алар да авыру чыганагы була ала», — ди эксперт.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии