Йөклелек һәм бала табу буенча пособиенең уртача күләме укучы хатын-кызлар өчен 90 мең сумга кадәр артачак. Дәүләт Думасы бу закон проектын беренче укылышта бертавыштан кабул итте, дип хәбәр итте Дәүләт Думасында Татарстаннан депутат Айрат Фәррахов телеграм-каналында.
Бүгенге көндә студент һәм башка укучы хатын-кызларга йөклелек һәм бала табу буенча пособиеләр 140 көнлек больничный чорына стипендия күләмендә түләнә.
Стипендия күләме – 2 меңнән 5 мең сумга кадәр. Шулай итеп, пособие 9 меңнән 23 мең сумга кадәр тәшкил итә.Закон проекты буенча, пособиеләр түләү вәкаләтләре Россия Социаль фондына тапшырылачак. Түләү чыганагы итеп федераль бюджет акчалары билгеләнәчәк. Йөклелек һәм бала табу буенча пособиене көндезге бүлектә белем алучы укучы хатын-кызлар арасында алучыларның фаразланган саны – 13 500 кеше булырга мөмкин. Закон 2025 елның 1 сентябреннән (уку елы башыннан) гамәлгә керергә тиеш.
Бу чара күптән өлгергән иде. Яшь гаиләләрне, укучы әниләрне хуплау юнәлешендә карарлар кабул итүне дәвам итәчәкбез, дип яза депутат.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии