Хәтерләсәгез, күптән түгел генә җырчы Ильмира Нәгыймова сәламәтлеге белән проблемалары булу, паник һөҗүмнәрдән интегүе хакында сөйләгән иде.
- Ильмира Нәгыймова: «Аңымны җуям, һава җитми»
Бу хәлләрдән соң Ильмира сәламәтлегенә җитдирәк карарга һәм үзен күбрәк кайгыртырга керешкән. Иҗатын яратучы бер фанатының сәламәтлеге ничек булуы турында соравына Ильмира:
«Паник һөҗүмнәр башлану белән, мин үземнең нерв системам какшаганлыкны аңладым. Бу һөҗүмнәр моңа ишарә булды. Мин ай саен диярлек авырый башладым.
Социаль челтәрдәге картинакаларыма гына ышанмагыз, сез бит минем куркуым, борчылуларымның берсен дә күрмисез. Мин аларны яшереп килдем һәм көннәрдән бер көнне «шартладым». Шуннан соң, үземә күбрәк игътибар бирергә, сәламәтлегем белән шөгыльләнергә кирәк, дигән фикергә килдем. Үземнее кайгырта башлау белән, паник һөҗүмнәрнең булганы юк», – дип сөйләгән җырчы.
Свежие комментарии