Истанбулда Россия һәм Украина делегацияләре арасында сөйләшүләрнең икенче раунды тәмамланды. Сөйләшү бер сәгатьтән артык дәвам итте. Очрашу рус телендә узды. Бу хакта «РИА Новости» яза.
Әлегә делегацияләрнең чираттагы очрашуы буенча бернинди конкрет килешүләр юк. Очрашуда әсирләр белән алмашу турында фикер алышканнар, нәтиҗәләр рәсми рәвештә соңрак игълан ителәчәк.
Илнең лидерлары очрашу буенча конкрет фикерләр әлегә шулай ук юк, диелә хәбәрдә.Россия делегациясе составы алдагы сөйләшүләрдәге кебек: Россия Президенты ярдәмчесе Владимир Мединский, Тышкы эшләр министрлыгы башлыгы урынбасары Михаил Галузин, Россия Кораллы Көчләре Генштабының Баш разведка идарәсе башлыгы Игорь Костюков һәм оборона министры урынбасары Александр Фомин.
Украина делегациясен оборона министры Рөстәм Умеров җитәкләде.
- Мәскәү һәм Киев вәкилләренең өч елга беренче очрашуы 16 майда Истанбулда узган иде.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии