Венера Аитова әбисенең җидесенә әзерләнгәндә булган күренеш турында: «Чын могҗиза!»

Танылган алып баручы Венера Аитова Нурия әбисенең җидесенә әзерләнгәндә булган хәл турында язган.

• Телетапшырулар алып баручы Венера Аитова гаиләсендә зур югалту

«Кичә, әбинең җидесенә әзерләнеп йөгерешкәндә, күрше Наил абый: «Өй түбәгезгә чыгып карагыз әле!» - дип шалтырата. Чыксак, ни күрик!

Ап-ак бер кош өй түбәсенә утырган да, игътибар белән безне күзәтә.

Берәм-берәм чыгып озак кына шаккатып карап тордык, Флүр абый чыккач кына (аны гына көткән кебек) бу сәер ак кош киң канатларын җәеп очып китте.

Күгәрчен дисәң күгәрчен түгел, моңа кадәр бер дә өй тирәсендә андый ак кош күргән юк иде...

Чын могҗиза! Гүя әбинең җаны безне күзәтә», – дип уртаклашкан ул.