2019 елдан рәсми рәвештә эшкә урнашмаса да, авылда яшәүче, шулай ук кимендә 30 ел авыл стажы булган татарстанлыларның өстәмә пенсия алу мөмкинлеге бар. Өстәмә түләү суммасы теркәлгән түләүнең 25 процентын тәшкил итә, 2025 елда ул 2 226,93 сум күләмендә билгеләнгән. Бу хакта «Татар-информ» хәбәр итә.
Пенсионер вакыт узу белән шәһәргә күчеп китсә дә, ул беркайда да эшләмәгән очракта, бу түләү саклана. Әмма шәһәрдә эшләп, аннан соң гына авылга күчеп киткәннәр бу түләүгә дәгъва итә алмый.
1992 елның 1 гыйнварына кадәр Россия Федерациясе территориясендә, шулай ук СССР территориясендәге агросәнәгать комплексы оешмаларында эшләү дә авыл стажына кертелә.
Өстәмә түләү бирелергә тиешле һөнәрләр исемлегенә авыл хуҗалыгы белән бәйле 500дән артык белгечлек керә. Алар арасында механизаторлар, авыл хуҗалыгы машиналарын ремонтлау буенча слесарьлар, агрономнар, ветеринарлар, балык үрчетүчеләр һәм башкалар бар.
Свежие комментарии