Пешергәннән соң кызыл согы агып торган итне, мәсәлән, «канлы» дип аталган, пешеп җитмәгән ит стейкларын ашарга ярыймы? Бу сорауга җавап Татарстан Диния нәзарәтенең «Хәләл» стандарты комитеты сайтында чыкты
Түшкәдән бөтен каны чыгып бетәрлек итеп хәләл ысул белән чалынган иттән ясалган һәм яхшылап пешеп бетмәгән ризыкларда без «кан» дип атый торган сыеклык миоглобин дип атала.
Миоглобин – кызыл аксым, ул мускул тукымаларында кислородны саклый һәм йөртә.Шулай итеп, ризык итеп кулланырга ярамый торган кан турында карар миоглобинлы ит согына карамый. Хәләл ысул белән чалынган очракта, кызыл согы агып торган итне пешерергә һәм ашарга рөхсәт ителә.
Исегезгә төшерәбез: канны ризык итеп, канлы колбасаларда, гематогенда һәм башкаларда куллану тыела, диелә бу хәбәрдә.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии