<p>Илсөя Бәдретдинованың төркеме помидор һәм кыяр үстерә торган агрокомплекс оештырган бәйрәмдә катнашкан. Компания эшчеләренең балаларына һәм райондагы сәламәтлекләре чикле балаларга ел саен шундый матур бәйрәм оештыра икән.</p> <p>Аларга тартмалап кыяр-помидор биргәннәр. Җырчы үзе яшелчәләрне төркемдәгеләрнең һәрберсенә таратканын, ә егет-кызларның кара пакет тотып чиратка басканын социаль челтәрендә күрсәтте.
</p> <p>Илсөя Бәдретдинова агрокомплексның җитәкчесе Шафоат Маматкуловна белән дә таныштырды. 5 бала анасының агрокомплекс белән берүзе идарә итүенә соклану белдерә җырчы.</p> <p>«5 бала анасы. Искиткеч чибәр һәм уңган ханым! Шундый зур бизнесны берүзең алып барып кара син. Шафоат ханыма карап: «Көчле хатыннар турында җыр кирәк», – дигән уй белән кайтып киттем мин», – дип язган Илсөя Бәдретдинова.</p> <p>Җырчы агрокомплекс хуҗасы белән теплицада да йөри, кыяр өзеп ашый, помидорларның ботагы чорналып куюга да шакката, помидорларны серкәләндерү юлын да белә.</p> <p>«Россия бал кортлары Голландиянеке кебек эшләми», – дип белдерә теплица хуҗасы.</p> <p>«Ялкаулар», – ди җырчы һәм җитәкче ханым аның белән килешә.</p> <p><img alt="" src="https://intertat.tatar/video/uploads/45f11b06fbc0fa664bb32fedc7bcca75.mp4" /></p> <div class="ckeditor-html5-video" data-responsive="true" style="text-align: center;"> </div> <div class="ckeditor-html5-video" data-responsive="true" style="text-align: center;"> </div> <p> </p>
Свежие комментарии