<p>Дилә Нигъмәтуллина социаль челтәрдәге сәхифәсендә, планлаштырылмаган килеш, Уфага клип төшерергә китеп баруы турында хәбәр иткән иде. Матур кадрлар ясыйбыз дип тырышканда, җырчы белән аздан гына бәхетсезлек очрагы булмыйча калган. Соңыннан җырчы партнерына һәм клип төшерүче командага рәхмәт тә белдергән.
</p> <p>«Мин биеклектән курыкмыйм, әмма кичә клип төшергәндә көтелмәгән хәл булды. Локацияләрнең берсе түбә иде. Мин үкчәле аяк кимендә идем. Кадрлар матуррак булсын өчен, без түбә кырыена баскан килеш төшерергә булдык. Аяк асты тайгак иде. Бик эссе, кояш кыздыра. 2 сәгатьтән минем хәлем китте, җыр вакытында кинәт башым әйләнде, һәм мин артка чайкалып киттем. Әгәр клип төшерүче командам һәм партнерым булмаса, нәрсә булып бетәр иде, уйларга да куркам. Матур кадрлар өчен нинди рискларга барабыз. Ә сез шулай булдыра алыр идегезме?» – дип язган җырчы.</p> <p><img alt="" height="1757" src="https://intertat.tatar/images/uploads/fa378871e54fda545d0bd69a3aa88bd5.jpg" width="1063" /></p> <div class="ckeditor-html5-video" data-responsive="true" style="text-align: center;"> </div> <p> </p>
Свежие комментарии