«ТНВ» телеканалында «Сөйләшергә вакыт» тапшыруында театр сәнгатендә 40 елдан артык хезмәт куйган актриса, Татарстанның халык артисты, җырчы Рөзедә Төхвәтуллина кунак булган. Алып баручы Лилия Кадыйрова аңа улы турында сорау биргән.
– Хатын-кыз өчен тулы бәхет – гаилә. Сезнең улыгыз бар, дип беләм. Сез интервьюларның берсендә «мин әле оныклар сөяргә, дәү әни булырга әзер түгел» дип әйтәсез. Бу вакытка ни үзгәрде? Дәү әни булмадыгызмы әле?
– Юк, әле дәү әни булмадым. Әле улым да өйләнергә җыенмый. Әлбәттә, яше дә бар. Мин карыйм, сөйләшәм. Миндә генә түгел бу хәл. Һәр гаиләдә минем малай яшендәге егетләр, кызлар бар. Алар тормыш корырга ашыкмыйлар. Шуңа күңелемне тынычландырам. Аннары болай да уйлыйм: әле үзе генә, хатын алып кайтса, балалары туа башласа… Менә монда (кулларын иңбашына куеп күрсәтә) өчәүләп, дүртәүләп менеп утырырлар. АллаһыТәгалә минем тынычлыгымны саклый бугай. Әлегә үзем һәм аны өчен генә җавап бирергә язгандыр, дип, тынычлап яшәп яткан чакларым.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии