АКШның яңа сайлаганган президенты Дональд Трамп конфликтны тәмамлау ысуллары турында Украина җитәкчелеге белән сөйләшкән. РИА Новости хәбәр итүенчә, бу хакта NBS News яза.
Трампның киңәшчеләре, булачак министрлар Украинаның киләчәген төрлечә күзаллый, шул сәбәпле, Киевка әлегә төгәл тынычлык планы тәкъдим ителмәгән.
NBS News язуынча, Украина ягыннан Трамп командасына карата мөнәсәбәт уңай.
Трамп моңа кадәр Украина Россиягә каршы еракка ата торган ракеталарны кулланмаска тиеш, бу конфликтны тагын да тирәнәйтә дип белдергән иде.
8 декабрьдә Украина президенты Владимир Зеленский, Франция президенты Эммануэль Макрон, АКШ президенты Дональд Трамп очрашты. Сөйләшүдән соң Трамп «Украина килешүгә барырга тели» дип белдерде. Әмма соңрак Зеленский тиз арада атышны туктатуны өндәүне кире какты.
Трамп хакимияткә килгәч, АКШ Украинага моңа кадәр күрсәткән ярдәм булмаячагын белдерде.
Свежие комментарии