Махсус хәрби операциягә үз теләге белән киткән Аксубай районы Иске Ибрай авылы егете, автор-башкаручы Җәлил Насыйбуллинны хәбәрсез югалган дип санаганнар. Шөкер, җырчы белән барысы да яхшы булып чыккан. Ул исән-сау, шушы көннәрдә дуслары белән элемтәгә кергән. Бу хакта татар дальнобое, блогер Назим Галимов яза.
«Җәлил Насыйбуллин махсус операциядә хәбәрсез югалган, дигән хәбәр килеп ирешкәч, бер язылучым менә бу видеоны җибәрде.
«Мин сине сөярмен шашынып» җырының авторы һәм башкаручысы Җәлил Насыйбуллин Аксубай районыннан. Ул блиндажда, егетләргә туган якларын исләренә төшереп, үзенең җырын башкара. Исән-сау туган якларына әйләнеп кайтырга язсын», – дип яза блогер.
Видеода җырчы хезмәттәшләре белән бергә. «Менә бу җырның авторын да, башкаручысын да таптык. Ул – Җәлил абзый», – дип сөйли егетләр.
Җәлил Насыйбуллин махсус операциягә 2 улы артыннан үз теләге белән киткән. Насыйбуллиннарның уллары Денис белән Дилүс тә бүгенге көндә махсус хәрби операциядә.
Свежие комментарии