Хатын-кыз тамашачылар мәхәббәтен яулаган җырчы Альберт Вәлиуллин «Качышлы уйныйбыз» дигән яңа җырына клибын тәкъдим итте. Аны барлык музыкаль мәйданчыкларда тыңларга була.
Яңа җырның сүзләрен Айгөл Вәлиуллина язган, ә көен Риваль Хисмәтуллин иҗат иткән.
«Бу җыр һәм клип күңелегезгә ятып, хәзерге тормыш һәм вазгыять турында уйланырга этәрер, дип ышанам», – дип язган җырчы.
Яңа иҗат җимешен тыңларга өлгерүчеләр җырчы белән килешкән. Язылучылары яңа гына татар эстрадасына күтәрелгән җырчының берсеннән-берсе матур җырлар башкаруына соклануларын белдергәннәр һәм иҗади уңышлар теләгәннәр.
Свежие комментарии