Мин нишләргә дә белмим. Бу коточкыч бит! Мин үги әтиемә гашыйк булдым. Нәрсәдән башларга да белмим. Әти белән әни мин әле бик кечкенә вакытта ук аерылышты. Әти юкка чыкты, минем белән беркайчан да кызыксынмады. Сирәк-мирәк кенә акча җибәрештерде, әмма тора-бара анысы да бетте. Әни исә горур хатын-кыз, түбәнсенеп алиментка биреп йөрмәде, мине ялгызы үстерде. Әни кияүгә чыкмады, ә узган ел мин мәктәпне бетердем һәм башка шәһәргә укырга киттем.

Беренче курсны тәмамлап, каникулларга кайткач, әнинең бер ир-ат белән очрашып йөргәнен белдем. Алар бергәләп, бу абыйның машинасында мине каршы алырга килде. Мин бик аптырап калдым, минем аның янында бервакытта да ир кеше күргәнем булмады. Ә алар мине бер гаилә кебек, әйтерсең күптән бергә яшәгән кешеләрдәй каршы алды... https://intertat.tatar/news/ugi-atiema-gasyik-buldym-5866016