РКБ табиблары 23 яшьлек егетнең авызыннан зур шешне (киста) алу буенча уңышлы операция үткәргән, дип яза «Татар-информ» РКБ матбугат хезмәтенә сылтама белән.
Егет үзе Кукмара районыннан. Ай ярым дигәндә авызында күкәй кадәр киста үскән. Ул сөйләшергә комачаулый башлаган. Авызында зур шеш барлыгын күреп, ул табибларга мөрәҗәгать иткән.
Табиблар тикшергәч шул билгеле булган: бу шеш аның белән тумыштан булган. Ул «дермоидная киста» дип атала. Пациент моның турында белмәгән.
Операция казналык-йөз хирургы Райнур Мөхәммәтҗанов җитәкчелегендә һәм аның ярдәмчесе катнашында узган. Белгечләр, авыз куышлыгын кисеп, шешне алганнар. Операция уңышлы үткән. 4 көннән соң пациент, сәламәтләнеп, өенә кайтып киткән.
Фото: © РКБ матбугат хезмәте
Свежие комментарии