Татарстан мөфтие Камил хәзрәт Сәмигуллин ураза вакытында тешләрне чистартырга ярыймы-юкмы икәне турында сөйләде. Аның җаваплары «Хозур Тв» каналында һәм ТР мөселманнары Диния нәзарәте Telegram-каналларында урнаштырылган.
Бер мөселман мөфтидән, ураза вакытында теш пастасы белән тешләрне чистартырга ярыймы, дип сораган.
«Мин аны йотмыйм, ләкин авызымда тәме һәм исе кала», – дип аңлаткан ул.«Бу – бик куркыныч. Берәр нәрсә йотсаң, ураза бозылырга мөмкин. Мисвакка килгәндә (теш чистарту өчен щеткалар – искәрмә. ТИ), мисвакны су белән аерым чылатырга ярамый. Ягъни [әгәр] ул коры булса, аны ураза вакытында кулланырга була», – дип белдерде Камил хәзрәт.
«Теш пастасы куллану мәкрух булачак, кирәкмәгән гамәл булачак, чөнки монда ялгыш уразаңны бозу куркынычы зур», – дип ассызыклады ул.
Свежие комментарии