«Болгар кызлары» солисты Айгөл Зәйнуллина тормышында куанычлы вакыйга булган

«Болгар кызлары» триосы җитәкчесе, продюсер, Халыкара конкурслар лауреаты, концертмейстер Айгөл Зәйнуллина никах укыткан. Әлеге шатлыклы хәбәр белән аның апасы - Камилә Мифтахетдинова «ВКонтакте» сәхифәсендә уртаклашкан.

- Кадерле, яраткан сеңлем Айгөл белән Ленарны никах көне белән чын күңелдән тәбриклим!

Айгөл белән Ленарга чын күңелдән гаилә бәхете, үзара аңлашып яшәү һәм иминлек телим!

Шамил Мәчете, 2.02.2025, - дип язган Камилә Мифтахетдинова.

Яшь гаиләне котлап язучылар да бар: «Бәхетле, озын гомерле никах булсын!», «Бәхетләре гомерле, гомерләре озын булсын. Бәхетле булыгыз, бәхетле!», «Чын күңелдән котлыйм», - дигәннәр.