Табиблар һәм туклану белгечләре уылдыкның файдалы үзлекләрен билгеләсәләр дә, аны икмәк һәм май белән кушып ашарга киңәш итми. Бу турыда «АиФ» газетасында язалар.
Нигә майлы ипи белән уылдыктан ясалган бутербродлар артык файдалы түгел?
Бу закуска ингредиентлары ашказаны асты бизе һәм бавырга өстәмә йөкләнеш ясый – аларны эшкәртү җиңел түгел.
Бутербродның нигезе – ак оннан пешкән икмәк, ул – тиз үзләштерелә торган углевод. Уылдык һәм майда – хайван мае, аксым һәм тоз бар.Нигә уылдык һәм атланмай бер-берсенә шулкадәр яхшы туры килә?
Атланмай һәм уылдык комбинациясе рецепторлар дәрәҗәсендә кешене җәлеп итә. Баш мие майлы ризыкны тәмлерәк итеп кабул итә, шуңа күрә уылдык, кызыл балык һәм атланмай – тәмнәр рейтингында лидер. Уылдык кына булса, ул артык тозлы күренергә мөмкин, әмма атланмай аны бик тәмле итә. Бу турыда медицина фәннәре кандидаты, диетолог Наталия Денисова сөйләгән.
Уылдык белән майлы бутербродта күпме калория бар?
Традицион бутерброд: 20 г ак икмәк, 12 г май, якынча 15 г уылдык. Монда 180 ккал бар, иң күп өлешен май тәшкил итә – 12,6 г. Углеводлар – 10,4 г, ә аксым – 6,7 г.
Уылдыклы бутербродны ничек файдалырак итәргә?
Белгечләр атланмайны яшелчә белән алыштырырга киңәш итә — организмга файдалы клетчатка һәм витаминнар керәчәк. Шулай ук ак икмәкне хлебцыга алыштырырга, май урынына аз гына изелгән авокадо кулланырга мөмкин.
Читайте нас:
Дзен - https://dzen.ru/tatar-inform.ru
ВК - https://vk. com/tatarinform
Телеграм - https://t.me/iatatarinform
Свежие комментарии