Тинчурин исемендәге Татар дәүләт драма һәм комедия театры актрисасы, «Зө-Ләй-Лә» төркеме җырчысы, Татарстанның атказанган артисты Зөлфия Вәлиева социаль челтәрдәге сәхифәсендә ТР Экология һәм табигать ресурслары министрлыгына мөрәҗәгать итә. Артист гаиләсе белән яши торган Остачы (Эстачи) авылындагы күлнең кибүенә борчыла.
«Кадерле дуслар, Остачы авылындагы күңелсез хәл турында хәбәр итәм. Күлдән өстәрәк яңа йортлар салдылар, анда газ үткәрделәр, шул вакытта су чыганагын каплаганнар яки кайбер кагыйдәләрне бозып эшләгәннәр. Моны ачыкларга кирәк. Күл нык кипте. Моңа карау күңелсез, менә бу камышлар гел суда иде. Мин күлнең ничек нык кибүен күрсәтергә телим. Әйдәгез, зинһар өчен, берәр нәрсә эшлик инде», – дип сөйли ул.
Зөлфия Вәлиева видеоларда ТР Экология һәм табигать ресурслары министрлыгы сәхифәсен билгеләгән.
Свежие комментарии