Җырчы Рафис Кәлимуллин Киров өлкәсенең Малмыж Сабан туенда чыгыш ясаган. Бер уеннарның берсендә ул Сабан туйны уздырырга ярдәм итүче иганәче белән очрашкан. Бу әфәндене җырчы моңа кадәр күрмәгән булса кирәк. Спонсор белән җырчы халык алдында 215 мең сум акча турында сөйләшә башлаган.
«Мин бирәсе акчаны хәзер шушында (чүлмәккә – ред.) саласың һәм мәчеткә калдырасың.
Сез аңламагансыздыр – мин Сабантуйның хуҗасы», – ди бу абзый Рафис Кәлимуллинга.Юк, мин мондагы акчаны гына дидем, – дип аңлата җырчы.
Ә-ә-ә, шуңа күрә мин тегеннән кадәр килдем, минәйтәм, Аллааа, нинди миһерле артистлар, минәйтәм, мәчеткә калдыралар 215 мең акчаны, – ди «хуҗа».
Рафис Кәлимуллин моның белән ризалашмый һәм читкә китә. Бу күренештән мәйдан көлешергә тотына.
«Гонорарны мәчеткә калдырта яздылар. Сабантуй Киров өлкәсендә иде», – дигән сүзләр белән, Рафис Кәлимуллин шушы видеоны күрсәтте.
Свежие комментарии