Иваново шәһәре янындагы трассада Ярославль заводыннан йөк алып баручы «КамАЗ» йөртүчесе Хәйруллинга бандитлар төркеме һөҗүм итә. Габаритлы фонарьләрен тикшерергә чыккач һәм машинаны урап үтеп, кабинага якынлашканда, кинәт аны муеныннан эләктереп алалар, ул йөзенә төбәлгән глушительле пистолетны күреп ала. Шул арада икенче берсе күкрәгенә пистолет китереп тери.

Һөҗүм итүчеләр дүртәү була... Һөҗүмче кулыннан ычкынып, ул кабина ишеген ачарга омтыла. Сәлимҗан кабинага менгәндә, 3 ир-ат аңа ябышып, аны аска тарта башлый. Сәлимҗан утыргычка сузыла һәм аның артындагы балтаны сузылып ала. Коралны күреп алган бандитлар куркып калалар. Ул ишекне яба һәм, «Жигули» машинасын бәреп китеп, вакыйга урыныннан кача.

– Артымнан ату тавышлары ишетелде, – дип искә ала чаллылы. – 3 пуля миңа эләкте: муенга, култык сөягемә һәм кулыма.

Шәһәргә барып җиткәнче, аның муены шешеп чыга... https://intertat.tatar/news/milliardlyk-iokne-kotkargan-kamaz-iortucese-muenymnan-pulyany-alyp-tarazadan-tasladym-5866061