Зөлфирә һәм Алмаз Мирзаяновлар гаиләсендә зур сөенеч. Алар Татарстан Республикасының Мәдәният министрлыгы тарафыннан «Мәдәнияттәге казанышлары өчен» күкрәк билгесе белән бүләкләнгәннәр. Җырлы гаилә шатлыклары белән социаль челтәрләрдә уртаклашты.
«Бик зур рәхмәт! Алга таба да милләтебезгә хезмәт куеп яшәргә насыйп булсын!
» – дип яза алар.Алмаз белән Зөлфирә бүген бик күп котлау сүзләре кабул итә! «Сез моңа күптән лаек», «Халык артисты дигән исемне дә алырга язсын», «Котлыйм, хәләл көчегезнең нәтиҗәсе бу», «Күптән лаек идегез! Иҗат чишмәгез саекмасын, уңышлар», – дип язалар аларга.
Балалары өчен Алмаз Мирзаяновның әнисе Сәрия ханым аеруча сөенгән.
«Улым, кызым, сез моңа лаек! Алга таба да шулай тырыш булыгыз! Сәламәтлектә, бергә-бергә иҗат итәргә язсын. Аллаһыбызның рәхмәтендә булыгыз», – дигән бәхетле әни.
Свежие комментарии