Әлеге бәйрәмдә дә мулла, Коръән сүрәсе укып һәм азан әйтеп, балага Әмирхан дип исем кушты. Аннары мәхәлләнең ана теле укытучысы Рузия Хәлимова күренекле галим Гомәр Саттарның «Татар исемнәре» китабыннан карап, балаларга бу исемнең нинди мәгънәгә ия булуын аңлатты. Әмирхан – әмер бирүче, идарәче, җиңүче дигәнне аңлата икән.Бәби тугач, икенче мөһим эш – ул башыннан чәчен алу. Сабыйның бабасы белән әбисе бу эшне бергәләп башкарды. Милли гореф-гадәтләребез буенча, алар чәчне пәке белән кырып алгач, үлчәүгә куйдылар. Шул авырлыктан чыгып (граммлап санала), халыкка көмеш тәңкәләр белән сәдака тараттылар.
Тулырак: https://tatar-inform.tatar/news/zasviyaze-raiony-ak-kalfak-oesmasy-babi-tue-iolasyn-iska-tosera-5888214
Свежие комментарии