Арча районында яшәүче бер җор телле кеше Урта Курса – Сарай-Чокырча авыллары арасындагы җимерек юл турында шигырь иҗат иткән. Ул мессенджерларда таралды. Шигырьне автор машина белән әлеге юлдан узганда укый.
«Курса – Чокырча арасын
Әкрен генә барасың.
Ашыгып тизлек арттырсаң,
Чәчелепләр каласың.
Юл дисәң, хәтере калыр,
Бу – сынау полигонын,
Күз буяп, тишек ямыйлар,
Язын, көзен, ел саен.
Яңа асфальт кайчан булыр?
Үзгәрерме дөньялар?
Эшләдек дип, җимерек юлга
Сызык сызып куялар.
Тишек-тошык, кылдый-былдый –
Ул Сарбай тирәләре.
Безнең якларга карамый,
«Автодор» түрәләре.
Эх, җаваплы адәмнәрне
Кыздырырга табада.
Шушы юлдан Президент
Кайтмасмы икән Сабага?»
Свежие комментарии