Саба районының Яулаштау авылы янында АЗСта машина йөртүче һәлак булган. Прокуратура тикшерү башлаган. Бу турыда «Татар-информ» хәбәр итте.
Фаҗига быел июньдә булган.
Прокуратура белешмәсе буенча, «Саба» оешмасы машина йөртүчесе үзбушаткычның гидроцилиндрын ремонтлаганда кабина астында кала. Имгәнгән ир-ат һәлак була.
Прокуратура фирманың хезмәтне саклау турында законнарны үтәвен тикшерә һәм кагыйдә бозулар булуын ачыклый. «Саба» оешмасының Яулаштау бүлеге идарәчесенә карата административ хокук бозу турында эш ачылган. Моннан тыш, прокурорлар мәрхүмнең туганнары файдасына мораль компенсация түләттерүне таләп итеп, судка мөрәҗәгать иткән, диелә хәбәрдә.
Свежие комментарии