Эльмира Сөләйманованың исән чагында башкара алмый калган җырын чыгарганнар

Бүген, 5 февраль көнне, Татарстанның атказанган җырчысы Эльмира Сөләймановага 43 яшь тулган булыр иде.

Җырчының туган көне уңаеннан, якты истәлегенә багышлап, «Татар радиосы» аның үзе исән чакта яңгырамый калган эксклюзив җырын тәкъдим итте.

«Авылым каеннары» җырының көен Ильмира Нәгыймова, сүзен Ләйсән Гайнетдинова иҗат иткән.

Җырчыны бүген «ВКонтакте» сәхифәсендәге төркемендә дә искә алалар.

«Күңел кошыбызның туган көне бүген. Догада булыйк, дуслар. Бары тик дога кирәк аңа. Мәрхүмәнең урыны җәннәттә, рухы шат, караңгы гүрләре якты булса иде. Туганнарына, гаиләсенә сабырлык телибез», – диелә анда.