<p>Казанның Борисоглебское бистәсендә ут капкан өй ишелеп төшкән. Бу турыда «Татарстан 24» каналы хәбәр итте.</p> <p>2 катлы агач йорт кич белән яна башлый. Сәбәбе әлегә ачыкланмаган. 120 квадрат метр мәйданлы өй тулысынча янып беткән.</p> <div class="ckeditor-html5-video" data-responsive="true" style="text-align: center;"> </div> <p>Ут чыкканда хуҗалар өйдә булмый, аларга телефоннан хәбәр итәләр.
</p> <p>Янгынны беренче булып күршеләр абайлап ала – алар төтен күрә һәм шартлау тавышы ишетә. Ут бик тиз арада бинаны чолгап ала.</p> <p>Янгын сүндерүчеләр бик тиз килеп җитү сәбәпле, күрше йортларны уттан саклап калалар. Ләкин кайсыбер йортларга зыян килә – ялкын аларның тышкы пластик эшләнмәләрен эретә.</p> <div class="ckeditor-html5-video" data-responsive="true" style="text-align: center;"> </div> <p>Якынча белешмә буенча, янгын тышкы чыганак йогынтысында яки янгынга каршы кагыйдәләрне бозу сәбәпле чыккан булуы ихтимал.</p> <p>Фаҗига вакытында хуҗалар дачада була, алар кайтканда өйдән хәрабәләр генә калган, диелә хәбәрдә.</p> <p> </p>
Свежие комментарии