Красноярск краендагы Курагино бистәсендә яшәүче хатын 3 яшьлек баласын балта белән чабып үтергән. Аны 24 елга ирегеннән мәхрүм итүне сорыйлар. Бу турыда «Вести» каналы хәбәр итте.
Әни кеше 3 яшьлек кызын чабып үтерә, 8 яшьлек кызын үтерергә маташа. Бу турыда төбәк прокуратурасы хәбәр иткән.
Фаҗига 2024 елның 25 июнендә була.
Шәхси йортта башы һәм муены чабып яраланган кыз бала мәете табыла. Аның 8 яшьлек апасының муены пычак белән яраланган, аны хастаханәгә алып китәләр. Әлеге җинаятьтә балаларның 34 яшьлек анасы гаепләнә.Төбәк буенча Тикшерү комитеты белешмәсе буенча, хатын ире хыянәт итә дип шикләнә башлый. Ул балаларын үтереп, иреннән үч алырга маташа. Хатын исерек килеш балта белән кече кызын чаба, аннары пычак белән башка кызын яралый. 3 яшьлек бала урында ук үлә. Өйдә булган тагын бер бала – 6 яшьлек кыз исән, аңа зыян килмәгән.
Әти кеше бу вакытта эштә була.
Тикшерү барышында хатынның үз гамәлләрен белеп эшләгәнлеген экспертиза раслый. Өстәвенә, ул үтерүе өчен үкенми. Суд барышында бу хатын теләсә нинди карарны кабул итәргә әзер булуын белдерә, диелә хәбәрдә.
Свежие комментарии