Шәүвәл аенда 6 көн ураза тоту мәҗбүри түгел. Ул нәфел ураза рәтенә карый. Ләкин, «Бу – мәҗбүри гамәл түгел», – дип, кул селтәргә ашыкмагыз!
«Сәүбән (радыйаллаһу ганһү) тапшырганча, Пәйгамбәребез болай дип әйткән: «Рамазан бәйрәменнән соң 6 көн ураза тоткан кеше 1 ел буе ураза тоткан савабына ирешер. Чөнки «хәерле гамәл кыла торган кешегә кылган гамәленнән 10 тапкырга артыграк әҗер ирешер (аять)».
Икенче бер хәдистә болай диелә: «Рамазан аендагы ураза 10 тапкырга арттырылып языла, ә 6 көнлек ураза – 2 айлык ураза кебек, барысы бергә – 1 еллык ураза».
Шәүвәл уразасын 6 көн рәттән тоту мәҗбүри түгел. Һәркем үзе хәл итә: рәттән тотарга да, көн аралаш тотарга да мөмкин. Иң мөһиме – шәүвәл ае дәвамында тотып бетерергә.
Свежие комментарии