2025 ел җәендә пенсия түләүләре берничә этапта арттырылачак. Бу турыда РИА «Новости» профессор Вадим Виноградов сүзләренә сылтама белән яза.
Май аенда 80 яшь тулган пенсионерларның иминият пенсиянә 2 тапкыр арттырылган түләү өстәлә, ул ай саен 8 907 сум 70 тиен була. Бу пенсионерларга рәсми тәрбия оештырырга кирәк булса, әлеге акчага тагын 1 314 сум өстәлә.
Майда беренче төркем инвалидлык билгеләнгән кешеләр пенсиясенә дә шундый ук өстәмә көтелә.
«Шунысын билгеләргә кирәк, өстәмә түләү бер нигез буенча гына – 80 яшь тулу яки инвалидлык алу буенча гына билгеләнә», – ди белгеч.
1 августтан эшли торган пенсионерларның пенсиясен, 2024 елда туплаган балларына карап, яңадан исәплиләр. Шулай ук моңа хокукы булган һәм 1 апрельдән 30 июньгә кадәр гариза биргән булсалар, күмер сәнәгатендә эшләүчеләр, гражданнар авиациясе хезмәткәрләренең пенсияләре дә арта.
Яңадан исәпләүләрнең күпчелек өлеше автомат рәвештә эшләнә, ди белгеч.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии